ҲУҚУҚ ТИЗИМИНИ ЛИБЕРАЛЛАШТИРИШДА ЮРИДИК ЖАВОБГАРЛИКДАН ОЗОД ҚИЛИШ ВА ЯРАШУВ ИНСТИТУТИ: НАЗАРИЙ, ҲУҚУҚИЙ ВА АМАЛИЁТ ЖИҲАТЛАРИ

Abstract

Мамлакатимизда амалга оширилаётган барча ислоҳотларнинг асоси Ўзбекистон Республикаси Конституциясида мустаҳкамлаб қўйилган инсонпарварлик, инсон ҳаёти, эркинлиги, шаъни ва қадр-қиммати каби олий қадриятларни амалга оширишдан иборатдир. Янги Ўзбекистонда инсон манфаати ҳамма нарсадан устунлиги ҳуқуқий ва ижтимоий ҳаётда аниқ намоён бўлмоқда.

Қонунга риоя қилмаган, бироқ қилмишининг қонунга хилофлигини англаб, тузалиш йўлига қатъий қадам қўйган шахсларга ўз оиласига ва жамиятга қайтиш имконияти, ижтимоий мослашиш ва фаол иштирок этиш имконияти берилиши — бу ўзбек халқининг кечиримлилик, раҳмдиллик ва бағрикенглик қадриятларини ҳуқуқий муҳитда амалга оширишнинг ёрқин ифодасидир.